АЛМАТЫ. 15 маусым. ҚазАқпарат. Павлодарда «ҚР Минералдық шикізатты кешенді өңдеу жөніндегі ұлттық орталық» РМК (ҚР МШКӨҰО) және Оңтүстік Кореяның «POSCO» компаниясы ынтымақтастық туралы меморандумға қол қойды.
ҚазАқпарат хабарлағандай, Павлодардағы «KSP Steel» ЖШС зауытында «Қазақстандық қорытпа» ретінде патенттелген ферросиликоалюминий балқыту бойынша алғашқы өнеркәсіптік пеш іске қосылды. Болаттың сапасын едәуір арттыратын жаңа материал алу технологиясына белгілі шетелдік металлургиялық компаниялар қызығушылық танытты.
«Біз “POSCO” компаниясымен меморандумға қол қойдық», – деп атап өтті ҚР МШКӨҰО бас директоры, академик Абдурасул Жарменов. – «Біздің қуаттылығы жылына 200 мың тонна болатын, қазақстандық технология бойынша ферросиликоалюминий шығаратын алғашқы зауыт Қырғызстанда салынады. Ал екінші кәсіпорынды Бразилияда біздің қатысуымызбен салу жоспарлануда».
«POSCO» – жылдық айналымы 80 млрд АҚШ долларын құрайтын әлемдегі ірі металлургиялық компаниялардың бірі. «Біз тек жаңа қорытпа саласында ғана емес, басқа да инновациялық бағыттарда бірлесіп жұмыс істейтін боламыз», – деді академик.
Дереккөз: www.inform.kz
Басқа жаңалықтар
Қазақстандық ғалымдарға әзірлемелерді енгізуге көмектеседі: шығарындыларды мониторингілеу және биоотын өндіру
Жаңа ғылыми-техникалық кеңес Орталық Азияның тау-кен өндіру саласындағы стратегиялық серіктестікті нығайтады
Қазақстандық ғылыми әзірлеме Қытайда өткен ERSGIT 2026 конференциясында халықаралық деңгейде мойындалды
Қазақстан мен Қытайдың өнеркәсіптік кооперациясы: шикізаттан жоғары технологиялық өндіріске дейін
ҚР МШКҚӨ ҰО Сеулде өткен «С5+1» елдері өнеркәсіп министрлерінің Консультативтік механизімінң отырысына қатысты
