Қазақстандағы Минералдық шикізатты кешенді қайта өңдеу жөніндегі ұлттық орталығының зерттеушілері литийі аз алюмосиликатты кендерден литий өндіруге мүмкіндік беретін кешенді технология жасады. Бұл туралы ҚР Өнеркәсіп және құрылыс министрлігінің баспасөз қызметі хабарлайды.
Процесс карботермиялық балқытуға негізделген. Бұл инновация литийді алюмосиликатты қалдықтан сапалы бөліп алуға мүмкіндік береді. Батареялық металдан бөлек, соңғы өнім ретінде ФС45 маркалы ферроқорытпалар да алынады.
Литийі аз кендерді өңдеу нәтижесінде литий оксидінің мөлшері 12-ден 14%-ға дейінгі концентрат алынады. Бұл пайдалы компоненттің мөлшері бойынша оны алудың басқа тәсілдерімен салыстырғанда шамамен екі есе жоғары.
Бұл ретте өндіріс белгілі технологияларды пайдаланғанға қарағанда экологиялық жағынан таза. Бұған қажетті күкірт қышқылының агрессивті ерітінділерінің мөлшерін азайту арқылы қол жеткізілді. Экономикалық тұрғыдан бұл өндіріс шығындарын азайтуға көмектеседі.
Дереккөз: dprom.kz
Басқа жаңалықтар
Қазақстандық зауыттардан шыққан улы қалдықтарды өндіріске қайтарғысы келеді
Қазақстанда хромқұрамды қалдықтарды қауіпсіз өңдеудің жолын іздеуде
Қазақстанда хром қалдықтарына екінші өмір берілуі мүмкін
Қазақстанда хромды қалдықтарды қауіпсіз өңдеудің тиімді жолдары зерттелуде
Елімізде жылына 10,5 млн тонна мыс кенін өңдеуге арналған байыту технологиялары әзірленді
