Жәрменов Әбдірәсіл Алдашұлы     Бас директоры, т.ғ.д., профессор, ҚР ҰҒА-ның академигі, екі мәрте Қазақстан Республикасы Мемлекеттік сыйлығының иегері

А.А.Жәрменов 1956 жылы Оңтүстік-Қазақстан облысы Бабайқорған аулында дүниеге келді.

1976 жылы С.М. Киров атындағы Қазақ ұлттық университетінің химия факультетін бітірді.

ҚазССР ҒА Химия-металлургия институтында (1976-1993 жж.) аға лаборанттан бастап, инженер, кіші, аға ғылыми қызметкер, лаборатория, бөлім меңгерушісі, Қарағанды мемлекеттік университетінің аналитикалық химия кафедрасының меңгерушісінен (1985-1987 жж.) Бас директордың бірінші орынбасарына дейінгі кәсіби өсу сатысынан өтті, ал 1999 жылдан «Қазақстан Республикасы минералдық шикізаты кешенді қайта өңдеу жөніндегі ұлтық орталығы» РМК Бас директоры.

Ғылыми дәрежесі, атақ

• Техника ғылымының кандидаты («Мысты электролитті рафинаттау ерітіндісін электродиализді өңдеу», 1982 ж.)
• Техника ғылымының докторы («Технологиялық ерітінділерден өтпелі металдардың тұздарын бөлу мен алу тәсілдерін және физика-химиялық негіздерін әзірлеу», 1991 ж.)
• Профессор (1994 ж.)
• ҚР Ұлттық Ғылым Академиясының корреспондент-мүшесі (1995 ж.)
• Академик:

  РҚ Минералдық ресурстар академиясы (1997 ж.),

  Халықаралық минералдық ресурстар академиясы (2000 ж.),

  ҚР Ұлттық Инженерлік Академиясы (2001 ж.),

  ҚР Ұлттық Ғылым Академиясы (2004 ж.),

  Халықаралық ақпараттандыру академиясы (2005 ж.),

  Қазақстан ұлттық жаратылыстану ғылымдары академиясы (2008 ж.).

Марапаттары

«Құрмет» орденінің иегері (2000 ж.), Қазақстан Республикасының білім, техника және ғылым саласындағы Мемлекеттік сыйлығының екі мәрте лауреаты (2001, 2015 ж.), «Тарлан» сыйлығының лауреаты (2003 ж.), Е.А.Бөкетов атындағы сыйлық (2005 ж.), академик У.А.Жолдасбеков атындағы сыйлық пен алтын медаль (2011 ж.) иегері. «Астананың 10 жылдығы» мерекелік медалі, «КСРО өнертапқышы» (1980 ж.) және «Қазақстан Республикасы ғылымының дамуына қосқан үлесі үшін» кеуде белгілері, Қазақстан Республикасның Бірінші президенті алтын металі (2011 ж.), «Қазақстан Республикасы тәуелсіздігінің 20 жылдығы» медалі (2011 ж.). Түркістан қаласының құрметті азаматы.

 «Қазақстан Республикасының минералдық шикізатты кешенді қайта өңдеу жөнінденгі ұлттық орталығы» РМК-ның Ғылыми кеңесі жөніндегі ереже

1. Жалпы ереже

1.1. «Қазақстан Республикасының минералдық шикізатты кешенді қайта өңдеу жөніндегі ұлттық орталығы» РМК Ғылыми кеңесі (бұдан әрі - ҒК) «Қазақстан Республикасының минералдық шикізатты кешенді қайта өңдеу жөніндегі ұлттық орталығы» РМК-ның (бұдан әрі-Орталық) консультативтік – кеңесші органы болып табылады

1.2. ҒК өз қызметінде Қазақстан Республикасының 2011 жылғы 18 ақпандағы «Ғылым туралы» Заңын, салалық бағдарламаларды, ғылым саласындағы Қазақстан Республикасының өзге де нормативтік құқықтық актілерін, сондай-ақ Орталықтың жарғысы мен осы Ережені басшылыққа алады.

1.3. ҒК дербес құрамын бас ғылыми хатшының ұсынуы бойынша Орталықтың Бас директоры екі жыл мерзімге бекітеді. ҒК құрамына лауазымы бойынша Бас директор, Бас директордың бірінші орынбасары, бас ғалым хатшы, бас директордың кеңесшісі, директорлардың ғылыми жұмыс жөніндегі орынбасарлары және Орталықтың филиалдарының ғылыми хатшылары, Астаналық филиалдың директоры, орталықтың ғылыми зерттеулер департаментінің директоры кіреді. ҒК-ның басқа мүшелері Орталықтың ғылыми, ғылыми-техникалық қызметін жүзеге асыруға және кадрлар даярлауға жауапты қызметкерлері қатарынан ҒК мүшелерінің көпшілік даусымен ашық дауыс беру арқылы сайланады.

1.4. ҒК төрағасы Орталықтың бас директоры, ол болмаған кезде – Орталықтың Бас директорының бірінші орынбасары болады, хатшы – Орталықтың бас ғылыми хатшысы болады.

1.5. ҒК бекітілген жұмыс жоспарына сәйкес, сондай-ақ қажеттілігіне қарай жиналады, бірақ тоқсанына бір реттен кем емес. Егер отырысқа оның құрамының кемінде 2/3 бөлігі қатысса, онда ҒК шешім қабылдайды.

1.6. Егер отырысқа қатысқан ҒК мүшелерінің жартысынан астамы оларға дауыс берсе ҒК шешімдері қабылданды деп есептеледі. Шешімдер ашық дауыс беру арқылы қабылданады, қажет болған жағдайда жасырын дауыс беру жүргізіледі. Дауыстар тең болған жағдайда ҒК төрағасының даусы шешуші болады.

1.7. ҒК шешімі ұсыныстық сипатқа ие және Орталықтың Бас директоры бекіткеннен кейін ғана күшіне енеді.

1.8. Бас ғылыми хатшының жүзеге асыратындары:

- ҒК отырысын дайындау;

- хаттама жүргізу;

- ҒК қаулысын тарату (қажет болған жағдайда немесе мүдделі тұлға талап еткенде).

2. ҒК басты міндеттері

2.1. Қазақстанның ғылыми, ғылыми-техникалық және инновациялық саясатын қалыптастыруға және жүзеге асыруға, отандық ғылымды дамытудың басым бағыттарын әзірлеуге, ҚР ғылыми-техникалық саласындағы нормативтік, құқықтық актілердің жобаларын әзірлеуге қатысу.

2.2. Мемлекет үшін ғылымды дамытудың басым бағыттарына сәйкес Орталықтың ғылыми, ғылыми-техникалық және инновациялық саясатын қалыптастыру.

2.3. Орталықтың ғылыми және ғылыми-техникалық қызметін ел ішінде және шетелде танымал ету.

3. ҒК негізгі функциялары

ҒК қойған міндеттерді орындау үшін:

3.1. Қазақстан Республикасы Үкіметінің жанындағы Жоғары ғылыми-техникалық комиссия айқындаған ғылыми, ғылыми-техникалық және инновациялық қызметтің басым бағыттарын жүзеге асыру мақсатында Орталықтың ғылыми қызметінің негізгі бағыттарын талқылайды.

3.2. Қазақстан Республикасының заңнамасына сәйкес жариялы талқылауға жататын заң жобалары мен өзге де нормативтік-құқықтық құжаттарды тиісті ұсыныстар қабылдай отырып талқылайды.

3.3. Ұлттық ғылыми кеңес құрамына ұсынуға ғалымдардың кандидатуралырын қарастырады.

3.4. Орталықтың ғылыми-техникалық бағдарламасын қалыптастыру бойынша ұсыныстарды қарастырады және таңдайды, ҒЗЖ орындалуы жөнінде септі тыңдайды.

3.5. Ғылыми және (немесе) ғылыми-техникалық қызмет субъектісі ретінде Орталықты аккредиттеуге байланысты мәселелерді қарайды.

3.6. Ғылыми кадрларды дайындау мен кәсібилігін арттыруға байланысты мәселелерді қарастырады.

3.7. Уәкілетті мемлекеттік органның алдында Орталықтың ғылыми қызметкерлеріне қауымдастырылған профессор (доцент), профессор ғылыми атақтарын беру туралы өтініш жасайды.

3.8. Конференциялар мен семинарларды ұйымдастыру және өткізу, олардың материалдарын басып шығару, тиісті ұсыныстарды қабылдай отырып, орталық қызметкерлерінің ғылыми еңбектерін басып шығару мәселелерін талқылайды.

3.9. Қазақстан Республикасы мен шет елдердің даму институттарымен, басқа да ғылыми мекемелерімен үйлестіру және ғылыми ынтымақтастық мәселелерін талқылайды.

3.10. Аса көрнекті ғылыми еңбектерді, ғылыми жаңалықтар мен өнертабыстарды мемлекеттік наградалар мен сыйлықтарды алуға ұсынады.

3.11. Ғылым және ҚР экономикасының басым секторларын дамытуға үлес қосқан Орталықтың ғылыми қызметкерлерінің кандидатураларын құрметті атақтар мен салалық наградаларды беруге ұсынады.

3.12. Жас және көрнекті ғалымдарды ғылым саласындағы жыл сайынғы сыйлықтар мен стипендияларға ұсынады.

3.13. Орталықтың қызметіне байланысты басқа да мәселелерді қарастырады.

4. Құқықтары мен жауапкершіліктері

4.1. 4.1. ҒК мүшелерінің құқығы:

- ҒК отырысы жұмысына шешуші дауыс құқығымен қатысу;

- ҒК отырыстарында талқылау үшін ұсыныстар жасау;

- ҒК отырысының хаттамасында өзінің ерекше пікірін білдіру;

- Белгіленген тәртіп бойынша ҒК отырысына дайындалған материалдарды пайдалану.

4.2. Ч4.2. ҒК мүшелері мынаған жауапты:

- ҒК құрамында жұмыстың нәтижесіне;

- ҒК Төрағасының тапсырмасын орындауға;

- ҒК отырысын дайындауға қатысу (ҒК жұмыстарын жоспарлау бойынша ұсыныстар дайындау, сараптамалар, рецензиялар, сөйлейтін сөздерді, шешім қаулыларын дайындау);

- ҒК шешімдерін өз уақытында орындау.

4.3. Бас ғылыми хатшының құқығы:

- ҒК мүшелері мен Орталықтың құрылымдық бөлімшелерінің басшыларынан ҒК жұмысының жоспарын қалыптастыру үшін ұсыныстар беруін талап етуге;

- баяндамашылар мен/немесе сөз алушылардан баяндамаларын және тұсаукесер материалдарын қағаз және электронды тасымалдағыштар түрінде тапсыруды талап етуге, жоспарланған отырысқа дейінгі 3 жұмыс күнінде қаулы жобасын дайындауды талап етуге;

- баяндамашылар мен/немесе сөз алушылардың қажетті құжаттары мен материалдарының тапсыру мерзімі сақталмаған жағдайда ол сұрақты күн тәртібінен алып тастау туралы ҒК Төрағасына ұсыныс жасауға құқылы.

4.4. Бас ғылыми хатшы ҒК отырысының күн тәртібін дайындауға және оның өтетін күні мен орны туралы мүшелерді хабардар етуге жауапты.

5. Өзара қарым-қатынастар. Қызметтік байланыстар

5.1. Бас ғалым хатшы өзінің лауазымдық міндеттерін жүзеге асыру және оған жүктелген міндеттерді шешу шеңберінде Орталықтың барлық құрылымдық бөлімшелерінің басшыларымен, ҒК мүшелерімен өзара қатынас жасайды.

5.2. Бас ғалым хатшы өз құзыреті шегінде құжаттарға бұрыштама жазып, қол қояды, Орталықтың құрылымдық бөлімшелерінің ғылыми қызметкерлерінің қолдарын растайды, құжаттардың көшірмелерін куәландырады, қарастырылған сол немесе өзге де мәселелер бойынша қабылданған шешімдерді қарау жөніндегі ҒК отырысының хаттамасынан үзінді көшірмелерді дайындайды және береді.

6. Өзгерістер мен толықтырулар енгізу тәртібі

6.1. Ережеге өзгерістер мен толықтырулар енгізу бас ғылыми хатшының ұсынысы бойынша Бас директордың бұйрығымен жүзеге асырылады.

Ғылыми кеңесінің қызметі туралы бұйрығы

Қазақстан Республикасы Индустрия және инфрақұрылымдық даму министрлігінің Индустриялық даму комитетінің «Қазақстан Республикасының минералдық шикізатты кешенді қайта өңдеу жөніндегі ұлттық орталығы» РМК 1993 жылы 22 шілдедегі № 642 Қазақстан Республикасы Министрлер кабинетінің қаулысымен және 1993 жылғы 21 қаңтардағы № 1090 Президент үкіміне сәйкес ғылымды ұйымдастыру және республиканың ғылыми-техникалық әлеуетін дамыту мақсатында құрылған. Осы орайда келесі мәселелер құруға негіз болды:

• ғылымның алға дамуын іске асыруды қамтамасыз ету,
• елдің ғылыми-техникалық әлеуетінің күшеюіне мүмкіндік туғызу,
• Қазақстанның технологиялық алға шығуын қамтамасыз етуге мүмкіндік туғызу.

Құырылсы және кадрлық әлеуеті

«Қазақстан Республикасының минералдық шикізатты кешенді қайта өңдеу жөніндегі ұлттық орталығы» РМК құрамына осы мекемеге қарайтын жетекші зерттеу институттары мен тау-кен және металлургия саласының кәсіпорындары кіреді:

• Геология және минералдық шикізаттың экономикасы институты, Алматы қаласы;
• Д.А.Қонаев атындағы Тау-кен істері институты, Алматы қаласы;
• Ж.Н.Әбішев атындағы Химимя-металлургия институты, Қарағанды қаласы;
• Шығыс ғылыми-зерттеу тау-кен-металлургия түсті металдар институты, Өскемен қаласы;
• «Қазмеханобр» мемлекеттік өндірістік экология ғылыми-өндірістік бірлестігі, Алматы қаласы;
• Металлургия орталығы;
• Астанада филиал.

«ҚР МШКҚӨ ҰО» РМК орталық аппарат құрылымында келесілер қызмет атқарады:

• 6 ғылыми-зерттеу лабораториясы,
• тәжірибе-сынақ кешені,
• конструкторлық –жобалау бөлімі.

Ұлттық орталықтың кадрлық құрамы шамамен 900 адамды құрайды, оның ішінде 36 ғылым докторы, 66 ғылым кандидаты, 40 академиктер (Қазақстан Республикасының Ұлттық ғылым академиясының - 4 адам, Халықаралық минералдық ресурстар Академиясының - 2 адам, Қазақстан Республикасының Минералдық ресурстар академиясының - 4 адам, Халықаралық Ақпараттандыру академиясының - 8 адам, Халықаралық «Экология» академиясының - 3 адам, Ұлттық жаратылыстану академиясының - 7 адам, Ұлттық инженерлік академиясының - 4 адам, Халықаралық термоэлектро академиясының - 1 адам, Халықаралық инженерлік академиясының - 1 адам), 9 корреспондент-мүшелер, 61 сыйлық иегерлері (Қазақстан Республикасының Мемлекеттік сыйлықтың - 17 адам, академик Қ.И.Сәтбаев, Е.А.Бөкетов, Ш,Е.Есенов, Ө.Жолдасбеков және Д.А.Қонаев атындағы сыйлықтардың – 38 адам).

Орталықты ҚР ҰҒА академигі, техника ғылымының докторы, білім, техника және ғылым саласындағы ҚР Мемлекеттік сыйлығының лауреаты Жәрменов Әбдірәсіл Алдашұлы басқарады.

Орталықтың қызметкерлері табыстары мен жетістіктері үшін түрлі марапаттарға ие болды: ҚР Мемлекеттік сыйлығы, «Қазақстанның еңбек сіңірген қайраткері» атағына, академик Қ.И.Сәтбаев, Е.А.Бөкетов, Ш,Е.Есенов, Ө.Жолдасбеков және Д.А.Қонаев атындағы сыйлықтарға, «Құрмет» ордені мен «Астананың 10 жылдығы», «Ерен еңбегі үшін» медалдарына, Қазақстан Республикасының мақтау грамотасы мен ҚР БҒМ «Қазақстан Республикасы ғылымының дамуына сіңірген еңбегі үшін», «Қазақстан Республикасы білім саласының құрметті қызметкері» және ҚР ИСМ «Кенші даңқы» І,ІІ,ІІІ дәрежелі, «Еңбек даңқы» ІІІ дәрежелі кеуде белгілеріне, «European Quality» Халықаралық марапаттарға ие.

Тау-кен-металлургия кешендеріне ғылыми-техникалық қызмет көрсету нарығында, соның ішінде инновациялық өндіріс құруда, алдыңғы қатарлы технологияларды жасау мен ендіруде «ҚР МШКҚӨ ҰО» РМК-ның ойдағыдай қызмет етуі жұмыс құрылымын епті әрі дәл құра білу мен мамандардың кәсіптік деңгейінің жоғарылығында.

«Қазақстан Республикасының минералдық шикізатты кешенді қайта өңдеу жөнінденгі ұлттық орталығы» РМК-ның Бас дирекциясы туралы ереже

1. Жалпы ереже

1.1. Бас дирекция «Қазақстан Республикасының минералдық шикізатты кешенді қайта өңдеу жөніндегі ұлттық орталығы» РМК (бұдан әрі – Орталық) алқалық кеңесші органы болып табылады.

1.2. Бас дирекция өз қызметінде Қазақстан Республикасының 2011 жылғы 1 наурыздағы № 413-IV ҚРЗ «Мемлекеттік мүлік туралы», 2011 жылғы 18 ақпандағы № 408-IV 3PK «Ғылым туралы» Заңдарын, салалық бағдарламаларды, Қазақстан Республикасының ғылым саласындағы өзге де нормативтік құқықтық актілерін, сондай-ақ Орталықтың жарғысын және осы Ережені басшылыққа алады.

1.3. Бас дирекцияның жеке құрамын орталықтың Бас директоры екі жыл мерзімге бекітеді. Бас дирекцияның құрамына лауазымы бойынша Бас директор - Төраға, бас ғалым хатшы - хатшы, Бас директордың бірінші орынбасары, Бас директордың орынбасарлары, орталықтың қаржы жұмысы және экономика жөніндегі директоры, филиал директорлары кіреді.

1.4. Бас дирекция қажеттілігіне қарай жиналады, бірақ жылына бір реттен кем емес. Бас дирекция егер отырысқа оның құрамының кемінде 2/3 бөлігі қатысса ғана шешім қабылдайды.

1.5. Бас дирекцияның шешімі отырысқа қатысушылар санының қарапайым көпшілік дауысымен қабылданады.

1.6. Бас дирекцияның шешімдері ұсынымдық сипатта болады және Бас директор бекіткеннен кейін ғана күшіне енеді.

2. Бас дирекцияның негізгі міндеттері

2.1. Орталықтың жарғылық қызметін тиімді іске асыруды қамтамасыз ету.

2.2. Оның құрылуының негізі болып табылатын, мемлекеттік қажеттіліктер мен басымдықтарға сәйкес орталықтың ғылыми-техникалық әлеуетін сақтау және одан әрі дамыту.

2.3. Орталықтың құрылымдық бөлімшелерін олардың құзыретіне жатқызылған қызмет саласына үйлестіру.

2.4. Қазақстан Республикасынның индустриялық-инновациялық даму саясатын қалыптастыруға қатысу.

3. Бас дирекция функциялары

Бас дирекция қойыған міндеттерді орындау үшін:

3.1. Орталықтың тұжырымдамасы мен даму стратегиясын және оларды іске асыру жөніндегі іс-шараларды әзірлейді.

3.2. Орталықтың даму жоспарын әзірлеу бойынша ұсыныстар дайындау, оны орындау жөнінде ұсынымдар енгізеді және оның орындалуы туралы есептерді тыңдайды.

3.3 Орталық мүлкінің сақталуын және тиімді пайдаланылуын қамтамасыз ету бойынша іс-шараларды әзірлейді.

3.4. Орталық Жарғысына өзгерістер енгізу бойынша ұсыныстар әзірлейді.

3.5. Орталықтың құрылымдық бөлімшелерін құру/жою жөнінде ұсыныстар әзірлейді.

3.6. Орталықтың қызметін мониторингілеу қорытындыларын Уәкілетті органдарда талқылайды және Орталықтың жұмысының тиімділігін арттыру бойынша ұсыныстар енгізеді.

3.7. Орталықтың құрылымдық бөлімшелері басшыларының ғылыми-ұйымдастыру және қаржы-шаруашылық қызметі туралы есептерін тыңдайды және тиісті ұсыныстар береді.

3.8. Жоғары органдарға елдің тау-кен металлургия кешенін дамытудың салалық саясатын қалыптастыру және инновациялық қызметінің басым бағыттары бойынша ұсыныстар әзірлейді.

3.9. ТКМК саласында мемлекет дамуының индустриялық-инновациялық саясатын жүзеге асыруды қамтамасыз ету жөніндегі іс-шараларды әзірлейді.

3.10. Орталықтың қызметіне қатысты өзге де сұрақтарды қарастырады.

4. Құқы мен жауапкершілігі

4.1. Орталықтың Бас директоры:

- Төраға ретінде Бас дирекцияның қызметін басқарады және Бас дирекцияға жүктелген мақсаттар мен функциялардың орындалуына тікелей жауапты болады, Бас дирекция отырысының хаттамасын бекітеді.

4.2. Бас хылыми хатшы:

- Бас дирекция хатшысы ретінде Бас дирекция отырысын дайындауға және оның өтуіне жауапты болады; күн тәртібін қалыптастыруға және оның өтетін күні мен орны туралы Бас дирекция мүшелерін хабардар етуге; Бас дирекция отырысының хаттамасын жүргзуге; Бас дирекция қаулысын таратуға;

- қажет болған жағдайда Бас дирекция мүшелерін отырысты дайындауға тартуға құқылы; Бас дирекция жұмысын қалыптастыру бойынша Бас дирекция мүшелерінен ұсыныстарды талап етеді; баяндамашылар мен/немесе сөз алушылардан баяндамаларын және тұсаукесер материалдарын қағаз және электронды тасымалдағыштар түрінде тапсыруды талап етеді, жоспарланған отырысқа дейінгі 7 жұмыс күнінде қаулы жобасын дайындауды талап етуге; баяндамашылар мен/немесе сөз алушылардың қажетті құжаттары мен материалдарының тапсыру мерзімі сақталмаған жағдайда ол сұрақты күн тәртібінен алып тастау туралы Бас дирекция Төрағасына ұсыныс жасауға құқылы.

4.3. Бас дирекция мүшелері:

- Бас дирекция құрамындағы тиісті жұмыстарға; Бас дирекция Төрағасының тапсырмаларын орындауға; Бас дирекция отырыстарына баяндамаларды, тұсаукесер, тарату материалдарын, шешім жобаларын тиісті түрде дайындауға; Бас дирекция шешімдерінің мерзімінде орындалуына жауапты болады;

- Бас дирекция отырыстарына шешуші дауыс құқығымен қатысуға; Бас дирекция отырыстарының күн тәртібі бойынша ұсыныстар енгізуге; Бас дирекция отырысының хаттамасында өзінің ерекше пікірін білдіруге; Бас дирекция отырысына белгіленген тәртіппен дайындалған материалдарды пайдалануға құқылы.

5. Өзара қарым-қатынастар. Қызметтік байланыстар

5.1. Бас дирекция мүшелері өз құзыры шегінде ғана Орталықтың құрылымдық бөлімшелерімен өзара қатынас жасай алады.

5.2. Бас ғалым хатшы өзінің лауазымдық міндеттерін іске асыру және оған жүктелген міндеттерді шешу шеңберінде ғана Бас дирекция мүшелерімен өзара қатынас жасайды.

6. Өзгерістер мен толықтырулар енгізу тәртібі

6.1. Ережеге өзгерістер мен толықтырулар енгізу бас ғылыми хатшының ұсынысы бойынша Бас директордың бұйрығымен жүзеге асырылады..