Болжамдар мен перспективалар – 2013

Металл бағасы

Менің ойымша, 2013 жылы бағалар айтарлықтай тұрақты болады, өйткені дағдарыстың жаңа кезеңі тұрақтылық кезеңіне өтті. Осыған сүйене отырып, баға қазіргі деңгейде қалады немесе баяу өседі деп ойлаймын. Мыс тоннасына 8–8,5 мың доллар деңгейінде тоқтайды. Алтын күрт өспейді, бірақ құлап та кетпейді – бір унция үшін 1700–1750 доллар шамасында болады. Мырыш туралы да осыны айтуға болады – мырыш жетіспейді. Сирек кездесетін металдардың бағасы ғана күрт өзгеруі мүмкін. Бұл Қытайдың саясатына байланысты – олар өздерін қалай ұстайды, соған тәуелді. Алайда келесі жылы бұл сандар біз үшін аса маңызды емес, себебі Қазақстан бұл нарыққа ең жақсы жағдайда 2–3 жылдан кейін ғана ене алады. Уранның бағасы құбылмалы болуы мүмкін, өйткені әлем қазір атом энергиясын дамыту немесе дамытпау туралы шешім қабылдау кезеңінде. Ал темір рудасы мен көмір бағасы шамамен 20% төмендеуі ықтимал. Біз болат балқыту компанияларының айтарлықтай жақсы көңіл-күйде емес екенін байқаймыз.

Абдурасул Жарменов

Минералды шикізатты кешенді өңдеу жөніндегі ұлттық орталықтың бас директоры